«İslâmiy havf» esasında muhtekirlikler devam etmekte
Şimaliy Kavkazda nevbetteki teraktlarlardan soñra, ukrain siyasetçi ve quvetçilerniñ «islâmiy havf» esasında muhtekirlik etmek içün yañı imkânları peyda oldı, — dep haber ete Censor.net. Rus Kabardino-Balkariyasında Baksan GES-inde olıp keçken patlavdan soñra ukrain mahsus hızmetleri kendilerini nevbetteki sefer haber ete bilirler. RF ile yekâne olğan haber alanı nevbetteki cadılarğa avlanuvınıñ sebepçisi ola.
Nasıl olsa da, bir çoq ukrain siyasetçilerine eyi tonusta bulunmaq içün duşman etişmey. Ve Rusiyedeki patlavlar hıyanet siyasetçiler içün tamam vaqtında ola. Ilk sefer islâmiy ekstremizm havfı aqqında büyük davuşnen Qırımnıñ eñ birinci kommunisti Leonid Graç haber etti. 2003 senesi Qırım dağlarında azırlıq körgen çeçen askerleri ile qorquzğanını hatırlayıq. Ukraina havfsızlıq hızmeti çeçen izlerini tapmadı. Buña baqmadan, Graç efendi vahhabizm, islâmiy ekstremizm Qırım ve Ukrainanı Rusiyeden uzaqlaştıra degen fikirlerni bildire edi. Bu adise Şimaliy Kavkazda ekinci çeçen cenki zamanında yüz bergen edi. O vaqıt kreml propagandistleriniñ leksikonından Rusiyeli, soñra ise ukrain kütleviy haberler vastalarına «vahhabizm» termini kelip kirgen edi…
«Al Raid» bütünukraina assotsiatsiyasınıñ haberler bölüginiñ rehberi Oleg Guzik islâm islâatçısı Muhammad ibn Abdul Vahhab adından kelip çıqqan sözni menfiy manada qullanmaq nezaketsizdir dep saya. «Postsovet devletlerinde, ananeviy olmağan islâmiy aqıntılarğa ait müsülmanlarını vahhabit dep, adlandırmaq ananesi tiklendi, — «Iqtisadiy haberler»ge tarif etti Oleg Guzik.
Islâmnıñ hususiyeti şunda ki, o hristianlıqtan farqlanaraq, imanlılar ve Yaradan arasında meyancı ruhaniylerniñ mevcutlığını közde tutmay. Şunıñ içün memurlarğa müsülmanlarnı nezaret altında tutmağa daima qıyın edi. Ukrain siyasetçileri ve mahsus hızmetler de musulmanlarnıñ diniy ayatını kontrol etmege tırışalar.
«Ceryannı kontrol etmek içün, onı başta añlamaq kerek. Ukrain siyaseti ise bundan marum qalğan. Öz ülkeñde islâm aqıntıları ve tendentsiyalarını añlap bir qararğa kelmek, qomşularda vaqialarğa dair reaktsiyalar imitirlemekten bayağı zordır, — dep, neşirge haber etti Kiyevdeki Yaqın Şarq araştırmalar merkeziniñ icra müdiri Igor Semivolos.
Semivolos efendi, ukrain siyasetçilerniñ islâmiy mevzuda muvafaqiyetsiz piarlanuv ıntıluvları sırasında, militsiya generalı, Gennadiy Moskalniñ «Hizb ut-Tahrir» fırqasından kelip çıqqan emiş havfı aqqında ilânını añıp keçti, — dep yaza Censor.net.
Künümizde Anatoliy Mogilёv yolbaşlığında çalışqan, Içki Işler Nazirligi de müsülmanlarnı ciddiy nezaret etmekte. Bazan özüni sıqmadan mescitlerni de teşkere. Qırım müsülmanlarınıñ şaatlığına köre, bir qaç afta evelsi Yalta mescitine maska kiygen silâlı militsionerler sürip kelgen. «Şu yerge yaqın olıp keçken davada iştirak etkenlerni qıdırğanlar emiş», — dep haber etti adını bildirmege istemegen yerli sakin. Ukraina dramatik muzıkal teatriniñ binasında ise, militsiya sapörları Islâmiy qadın konferentsiyasınıñ başlanmasına az qalğan vaqıtta peyda oldılar. «Olar teatrge qoyulğan patlayıcını aracaqları aqqında ilân ettiler. Aynı zamanda böyle areketlerge ruhset bergen vesiqaları yoq edi. Bu vaqia provakatsiya ve konferentsiyağa keder etmek ıntıluvı olaraq köründi», — dep söyledi «Davet» müsülman cemiyetiniñ reisi Ruslan Ramazanov.
Rus tilli ukrainliler Rusiyeliler ile bir haber alanında yaşamaqtalar, dep qayd ete Oleg Guzik. «Anda müsülmanlarğa dair aşlanğan menfiy stereotipler tez vaqıtta ülkemizde darqala», — dep saya o. Qırım müsülmanları sözlerinden, Moskvadaki metro patlavlarından soñra, hicab kiygen müsülman qadınlarını marşrut taksilerinden qorqqan passajirlerniñ ricasınen, tüşüre ekenler.
Şarqşınas Igor Semivolos siyasetçilerniñ «islâmiy havf» mevzusında oyunlarını telükeli dep saya. «Islâmiy spetsifikasını iç añlamağan siyasetçilerniñ bildirgen fikirleri müsülmanlar arasında yalıñız havf duyğusını doğura bilir», — dep tüşюüne o.
Meraqlı ki, çoq vaqıt devamında, bu künlerde gidroelektrostantsiyası patlağan, Kabardino-Balkariyanıñ ultrokonservativ duyğulı müsülmanlarınıñ başı, Kremençugda doğulğan Anzor Astemirov edi. Bu yılnıñ baarinde o, Rusiyeniñ FSB hadimleri tarafından öldürildi. O, mahsus hızmetler nezareti altında bulunğan camilerde ibadet etmege istemegen, imanlılarnıñ formal olmağan lideri oldı. Köteklev ve öldürüvler 2005 senesi Nalçikte müsülmanlarnıñ is yanlarına sebepçi olğandır. Lâkin, ukrain siyasetçileri qomşularnıñ hatalarına baqıp ögrenmege istemeyler ğaliba.