“Gumanitar yardım ile “Flotiliya svobodı”ğa İzrail arbiy-deñiz küçleir tarafından yapılğan ücümi munasebeti ile Yaqın Şarqta olğan vaziyet aqqında” Meclisniñ ARİZASI

11.05.20160:19

“Gumanitar yardım ile “Flotiliya svobodı”ğa İzrail arbiy-deñiz küçleir tarafından yapılğan ücümi munasebeti ile

Yaqın Şarqta olğan vaziyet aqqında”

Qırımtatar Milliy Meclisniñ

ARİZASI

2010 senesi 30-31 mayıs gecesi Aq deñizniñ halqara suvlarında İzrailniñ arbiy-deñiz küçleri üç yıl devamında blokada vaziyetinde olğan Gaz ealisi içün ilâc, aşayt mahsulat, qurucılıq malzemeleriden teşkil olunğan 10 tonna gumanitar yardımınen kelgen “Flotiliya svobodı” konvoyına ücüm ettiler.

“Flotiliya svobodı” konvoyınıñ 6 gemisinde yerleşken gumanitar yardım ile 32 ülkeden muabbetlik içün areketniñ 600’den ziyade uquqqoruyıcılar ve faal insanlar kele ediler.

İzrailniñ arbiy-deñiz küçleri tarfından “Flotiliya svobodı” gumanitar konvoyı ve anda olğan insanlarğa qarşı yapılğan silâlı ücüm neticesinde muabbetlik içün areketniñ 9 faal inasanı elâk oldı, 30’dan ziyade – yaralandı. Şimdiki vaqıtta Gaz ealisi içün gumanitar yardım ile gemiler İzrailniñ Aşdod portuna ketirildi, andaki insanlar apiske alındılar.

 

İzrailniñ ADK tarafından “Flotiliya svobodı” gumanitar konvoyına qarşı sebepsiz silâ qullanğanı halqara cemaatçılıq, BMT, başqa halqara teşkilâtlar ve çoqusı ülkeler ükümetleriniñ isyan ve takbihlerini doğurdı.

Böyleliknen, Felestinniñ istilâ etilgen yerlerdeki vaziyet boyunca BMT Mahsus hadimi Riçard Falk olğan facianı “gumanitar teşkilâtlarnıñ silâsız faal insanları qurban olğan açıq deñizdeki qanlı uruş, insanlıqqa qarşı cinayet” dep, adlandırdı.

Qırımtatar Milliy Meclisi İzrailniñ ADK tarafından “Flotiliya svobodı” gumanitar konvoyına qarşı yapılğan silâlı ücümini takbih ete, halqara cemaatçılığını bu qanlı uruşta qabaatlı olğanlarnı mahkeme ögüne ketirmege çağıra.

Qırımtatar Milliy Meclisi BMT Havfsızlıq Şurasını ve başq ahalqaar teşkilâtlarnı İzrail tarafından Gaznıñ blokadasını toqtatmaq ve regionda içtimaiy ve siyasiy vaziyetni yerine ketirmek çağıralar.

QırımtatarMilliy Meclisi Prezidiumnıñ

Oturışında qabul etildi,

Aqmescit ş.,

2010 senesi 01 iyun.