«Armançıq» mecmuasına abune olğanlarnıñ sayısı bayağı azlaştı

21.01.201721:15

Keçirilgen abune kampaniyasınıñ neticelerine köre, dünyada yekâne «Armançıq» qırımtatar bala mecmuasına abune olğanlarnıñ sayısı pek azlaştı.

Bu aqta mecmuanıñ baş muarriri Ediye Muslimova haber etti.

Bugünki künde cemi 3142 nushadan ibarettir.

«Tiraj 1400 nushağa azca oldı. Biz şaştıq!» – dep şikâyet etti baş muarrir.

Bundan evel Avdetke izaat bergen Ediye Muslimova qayd etti ki, bala edebiyatı, em de coyayatqanımız ana tili vaziyeti facialıdır.

«Yardım alınacaq yer yoq. Tek özüñe işanacaqsıñ!» – dep emin olğanını bildirdi o.

«Armançıq» mecmuası 2011 senesinden başlap neşir etile.

Mecmuanıñ abune indeksi – 68309. Bir sene abune fiyatı 877 ruble 56 kapiktir.

Avdetniñ bildirgenine köre, bu künleri bu sene «Armançıq» bala mecmuasınıñ birinci (umumen olaraq, 31-ci) sanı dünya yüzü kördi.

7

20_01_2017_арманчыкъ_1

 

Автор: Редакция Avdet

Редакция AVDET