Maksim Şevçenko Qırım meskün yerleriniñ tarihiy adlarını qaytarmağa teklif etti

31.01.20179:20

Rusiye Federatsiyası yanındaki Vatandaş cemiyeti inkişafı ve insan aqları boyunca Şuranıñ azası, belli mühbir ve cemaat erbabı Maksim Şevçenko Qırımdaki meskün yerlerniñ tarihiy adlarını (toponimler) qaytarmağa teklif etti.

«Rusiyeniñ tarihiy adlarını qaytaracaq olsalar, Qırımda da bütün bu «izobilnoye», «vesöloye», «solneçnoyeler» ve digerlerniñ tarihiy adları qaytarılsa, ne olur?» – dep yazdı o Facebook saifesinde, ve Crimeantatars.club qırımtatar neşriniñ videosını paylaştı. Videoda aytıla ki, Almaniyada Qırım ve Ukraina cenübiniñ interaktiv haritası yapıldı, işbu haritada şeerler, köyler, özenler, göller, dağlar ve diger coğrafik obyektlerniñ qırımtatar adları yazılğan.

Avdetniñ bildirgenine köre, yarımada toponimiyası Qırımdan almanlar, qırımtatarlar, ermeniler, bulğarlar ve urumlar sürgün etilgen soñ deñiştirildi. Meskün yerlerniñ unikal ve manalı adları yerine tez uydurılğan adlar berildi. Böyleliknen, aynı toponimler yarımadanıñ çeşit rayonlarında rastkele.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Автор: Редакция Avdet

Редакция AVDET