Qırım mektepleri 1-4-ci sınıf talebelerini sabalıqnen teminlemek içün 2017 senesi cumhuriyet bücetinden 427 million ruble alacaq.
Bu aqta malümat ükümetniñ resmiy portalında yerleştirilgen Qırım Nazirler şurasnıñ qararında bildirile.
«Qırım Cumhuriyeti bücetinden 2017 senesi belediye tasil müessiseleriniñ 1-4-ci sınıf talebelerini künde bir kere bedava sıcaq aşnen (sabalıq) teminlemek içün belediye müessiselerine para yardımını tarqatmaq», – dep aytıla qararda.
Qararğa binaen, eñ çoq para Aqmescit (97 million), Kezlev (26,6 million), Yalta (26,5 million), Aqmescit rayonı (26,3 million), Keriç (25,6 million), Kefe (23,8 million) ve Bağçasaray rayonı (21,1 million) alacaq.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
