10 avgusttan 14 avgustqa qadar Qırımda anomal sıcaq avası olacaq: avanıñ orta kün arareti iklim qararından 7 derece ve daa ziyade yüksek olacaq.
Bu aqta gidrometmerkezine atıf yaparaq Qırım Fevqulade vaziyeti nazirliginiñ matbuat hızmetinde haber ettiler.
Böyle vaziyet sebebinden evdeki avanıñ serin ararette olmasını temin etmek, bedenge çoq fizik ağırlıq bermemek, ava keçirgen açıq tüste urba ve baş kiyimini kiymek, çoqça suv içmek, serin duş, ya da vannada çayqanmaq tevsiye etile. Açıq avada azca olmaq ve alkogol içimliklerini içmemek kerek.
Dağda ateş yaqmaq; sigar çekmek, yanğan sernik, çekilgen sigar qalımtılarını atmaq; dağda benzin, kerosin, ya da başqa yaqarlıq maddesinen siñirtilgen malzeme qaldırmaq; dağda küneş altında şişe, cam parçalarını ve başqa çöplük qaldırmaq; ot yaqmaq yasaq etile.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
