Aluşta tübünde yol qazası yüz berdi

17.08.201723:27

Bügün Aluştanıñ Malıy Mayak köyinde büyük qaza yüz berdi. Qazada yük maşnası ve trolleybus çatıştılar.

Çatışma saba 8.50 olıp keçti. Yük maşnası qarşı yolğa çıqıp, trolebusnen uruldı.

Polis hadimlerniñ haber etkenine köre, qaza neticesinde aydaycılarnıñ ekiside zararlandı. Yolcular arasında qazalanğanlar olğanı daa belgilene.

«İnterfaks» haber etkenine köre ise, qaza neticesinde aydaycılardan ğayrı trolleybusnıñ üç yolcusı da zarar kördi. Olarğa acele yardımını qaza olıp keçken yerde kösterildi.

«Yük maşnasınıñ tehnikiy bozuqları bar eken. Şu bozuqlar neticesinde araba qarşı yolğa çıqıp ketip, trolleybusnen çatıştı», — dep bildire qaynaq.

Polis hadimleri qaza sebeplerini ogreneler.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Автор: Редакция Avdet

Редакция AVDET