Harkov şeer yolbaşçısı Gennadiy Kernes ayttı ki, onıñ fikrince, Ukraina Qırımnı öz nezareti altına qaytarıp olamaz.
Bu aqta malümatnı «Qırım.Aqiqat», Kernesniñ «112 kanalına» bergen intervyusına esaslanıp, bildire.
«Bellesem, bu aman-aman imkânsızdır. Mesele şunda ki, Qırım sakinleri özleri rey berdi. Daa bir kere aytmağa isteyim ki, men Ukraina topraq bütünligine qol tutam. Men Qırımnı bile edim. O yerdeki baş nazir Vasiliy Cartını bile tanıy edim. Ve o yerge çoq barğan edim. Ve menim içün ukrain Qırım, başqa kimseniñ Qırımdan yahşıdır», – dep qayd etti Kernes.