Ahtem Çiygoznıñ işi boyunca şaatlarnıñ biri − Muravyev Viktor Fedoroviç − Qırım yolbaşçısı vazifesini eda etkenniñ ştat tışı mesleatçısı ola.
Bu aqta Çiygoznıñ adliyecisi Nikolay Polozov bildirdi.
«Şaat Muravyevniñ şorğuğa çekilmesi aqqında protokolda «çalışma yeri» olaraq bu malümat qayd etilgen: «Qırım yolbaşçısı vazifesini eda etkenniñ ştat tışı mesleatçısı», − dep yazdı Polozov Twitterde.
Bugün, noyabr 2-de Qırım Yuqarı mahkemesinde Ahtem Çiygoznıñ işi boyunca nevbetteki toplaşuv keçirildi.
Bunıñ neticesinde, qabaatlavnıñ eki şaatı ayttı ki, qabaatlanğan kişini fevral 26-da keçirilgen mitingde körmedi. Nevbetteki toplaşuv yarın, noyabr 3-te keçirilecek. Toplaşuv saat 9:30-da başlanacaq.
