Aqyarda buzlavuq naqliye areketini sıñırladı. Şeer yollarında olğan kollaps yerli sakinlerni açuvlattı. Aqyar sakinleri içtimaiy ağlarda kommunal hızmetlerniñ yaramay çalışqanı aqibetlerini paylaşa ve prezident Vladimir Putinge mektüp yazacaq ola.
Buz yollarda mahsus qarışma olmağanı sebebinden maşnalarnı idare etmek pek ağır ola. Şeerde qazalarnıñ sayısı arttı. Bundan da ğayrı, yüzlerce adamlar işke barıp olamadı.
Bazıları şaqalaşa: «Halq alâmetleri: Aqyarda qar olsa, yollarda apokalipsis olur».
İçtimaiy ağlarınıñ birinde yerleştirilgen videoda yol areketi inspektorı öz küçünen buzlu yollarğa qum atqanı körüne.