Bugün, yanvar 26-da Bağçasarayda milliy areket veteranı, qırımtatar faali Zodiye Saliyevanıñ evinde uquq qoruyıcılar tintüv keçire.
Bu aqta Qırımtatar Qurultayı Merkeziy saylav komissiyasınıñ reisi Zair Smedlâyev Facebook saifesinde bildirdi.
Zodiye Saliyeva oğlu Seyran Saliyev ile beraberlikte yaşay.
Tintüvden soñ Saliyev Bağçasaray İçki işler rayon bölügine alıp ketirildi.
Bundan evel Bağçasaray sakini Seyran Saliyev «Hizb ut-Tahrir» işi boyunca yaqalanğan musulmanlarnıñ evleri yanında qanunsız mitingde iştirak etkeni içün para cöremesinen cezalandı. Cöreme 20 biñ rubleni teşkil etti.
Foto: Alime Tatarova
Telegramda kanalımızğa qoşulıñız ve eñ aktual ve meraqlı malümatlardan haberdar oluñız