Qırım Yol areketi havfsızlığı devlet inspektsiyası mart 2-de beş qazanı qayd etti, bularnıñ neticesinde bir insan elâk oldı, doquz kişi yaralandı.
Bu aqta Qırım Yol areketi havfsızlığı devlet inspektsiyasınıñ matbuat hızmeti bildire.
Qarasuvbazar (Belogorsk) rayonında saat 12:25-te BAZ-A079.23 havflı mesafede areket etip ögünde ketken DAF yük maşnasına uruldı. Neticede avtobusnıñ beş yolcusı, bu cümleden yedi yaşındaki bala, yaralandı.
Krasnoperekopsk rayonında saat 14:10-da VAZ-212140 yol kenarına çıqıp, avdarıldı. Maşna aydayıcısı qapalı qafa-miy ve diger yaralarını aldı.
Aqmescitte (Simferopol) saat 14:30-da Honda CR-V avtomobiliniñ aydayıcısı yol çatışmasında mototsiklge yol bermedi, qaza neticesinde eki köpçekli naqliye aydayıcısınıñ ayağı yaralandı.
Bunen beraber, Aqmescitte saat 22:10-da Chevrolet Aveo aydayıcısı yolnı kelişmegen yerde keçken 20 yaşındaki yigitni urıp, öldürdi.
Bundan da ğayrı, Qırım paytahtında saat 23:45-te Volkswagen Jetta qarşı taraf yoluna çıqtı ve o yerde Volkswagen Golf avtomobilinen çatıştı. Birinci maşnanıñ aydayıcısı ve ekinci avtomobilniñ yolcusı miy sarsuvı ve diger yaralarnı aldı.
İçtimaiy ağlarda Facebook,Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.