Aqmescitte (Simferopol) Elevatornıy aralığında yerleşken islâ evi territoriyasında yanğın yüz berdi.
Fevqulade vaziyetler nazirliginiñ Qırım baş idaresi yolbaşçısınıñ yardımcısı Vladimir İvanovnıñ bildirgenine köre, vaqia aqqında haber müessisege aprel 2-de saat 8:57-de keldi, dep yaza «RİA Krım».
«Yanğın yüz bergen yerge Aqmescitniñ farqlı bölüklerinden eki taqım yollanıldı. İlk malümatlarğa binaen, çöplük yanğandır», – dep ayttı o.
Ateş tahminen 50 kvadrat metrni qaplap aldı. Vaqia neticesinde kimse zararlanmadı.
Foto: İçtimaiy ağlar
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.