Sergey Aksönov Bağçasaray rayonına kelip ketken soñ, rayon memüriyet başı Vladimir Udahinnı işinen memnün qalmadı ve aktiv şekilde çalışılmağanı sebebinden, rayonda bir çoq problemelar çıqqanı içün «tenbiyeledi».
Bu aqta 11 oktâbr künü, o öz Facebook saifesinde bildirdi.
«Bir çoq problemalar olğanını kördik, olarnı balaban para masraf etmeden çezmege mümkün edi. Birinci keresine añlatma subetinen sıñırlendik, amma memüriyet başlarını tenbiyeleyim: insanlar nasıl yaşağanlarını ve olarnıñ problemelarını ğayet tez çeze bilmek kerek», — dep yazdı Aksönov.
Egerde, «belli bir problemanı çezamasa, demek rayon, ya da cumhuriyet seviyesine köterilmek kerek», — dep qayd etti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.