Qurman rayonında imam Arsen Yaglıyevnen vedalaştılar.
19 mayısta yaşağan bir qazadan soñra, şuurı yerine kelmeden 39 yaşında vefat etti. Arsen ocanıñ altı balası qaldı, eñ kiçiği 7 aylıq.
Yerli insanlar imamlarını minnetnen hatırlay. Onıñ yararlıqlarını göñülliler de qayd ett. Hususan, “Açıq yürekler” göñülli hayriye fondunıñ göñüllisi Niyara Kurtvelieva: «Arsen Yaglıyev başqalarnıñ dertlerinden iç bir vaqıt uzaq turmadı ve er vaqıt yardım etmege azır edi», dep yazdı.
Qırım müftiyatınıñ matbuat hızmetinde: “Er kes onı faal, ğayretli bir yaş adam, pek yahşı bir baba ve qoca, halqınıñ hayırına yorulmağa bilmegen bir emekçi, Allah rizası içün hızmet etken biri olaraq bile edi», — dep bildirdiler.
Avdet muarrirıyeti, Arsen ağa Yaglıyevniñ doğmuşları ve yaqınları ile birlikte yas tuta. Allah rahmet eylesin!
