В Белогорске скончался активист национального движения Александр Новиков

15.07.201915:281 706

На 74-м году жизни после продолжительной болезни скончался активный участник крымскотатарского национального движения Александр Новиков.

Александр Новиков родился в 1946 году в Самарканде, куда его семья была эвакуирована в годы Второй мировой войны. После окончания геологоразведочного техникума долгое время проработал по специальности в Фергане. Вскоре женился на крымской татарке Зоре Матич. В счастливом браке они воспитали двух дочерей и двух сыновей. В конце 80-х годов во время массового возвращения крымских татар на Родину их семья также переезжает в Крым и обустраивается в Карасубазаре (Белогорске).

Вскоре Александр Новиков включился в местную инициативную группу национального движения. В конце 1990-х годов возглавлял Карасубазарский городской орган самоуправления крымских татар, в 2006 году стал председателем карасубарского отделения партия Народный рух Украины, а годом позже его избрали делегатом Курултая пятого созыва. До последних дней жизни Александр Новиков выполнял обязанности секретаря Карасубазарского районного органа национального самоуправления крымских татар.

Всю жизнь Александр Новиков прожил с крымскими татарами, был активным участником национального движения и несколько месяцев назад принял ислам. Поэтому похоронен на мусульманском кладбище в соответствии с религиозными традициями и крымскотатарскими обычаями.

Эльвида, Александр!

Къарасувбазарда девамлы къан хасталыгъындан сонъ Миллий арекетимизнинъ фааль иштиракчиси, региональ миллий къурумнынъ азасы ве кятиби Александр Георгий огълу Новиков 73 яшында вефат этти.

Александр 1946 сенеси Самакъандда, мында эвакуациягъа тюшкен къорантада догъды. Геологоразведка техникумыны битирген сонъ девамлы вакъыт Фергъанада зенааты боюнджа чалышты. Демирджили Зоре Матич (о, теэссюф ки, учь йыл эвельси кечинди, Алланынъ рахметинде олсун) иле къоранта къурды. Олар чокъ йыллар мабет яшап, эки огълан ве эки къыз осьтюрдилер.

1980-нджи сенелерининъ сонъунда халкъымызнынъ къутьлевий авдети башлагъанынен, къоранталары да Къырымгъа къайтып, Къарасувбазарда ерлештилер. Александр Миллий арекетимизнинъ ерли тешеббюсчи группасына къошулды, Экинджи Къурултай чагъырылып, озь-озюни идаре эткен къырымларнынъ миллий къурумы тизильген сонъ, онда да фааль иштирак эте башлады.

 

1990-нджы сенелерининъ сонъундан башлап бир къач йыл девамында Александр Къарасувбазарда шеэр миллий къурумынынъ реиси вазифесини беджерди. 2006 сенесинден Украина Халкъ Арекети (НРУ) фиркъанынъ Къарасувбазар район тешкилятынынъ ёлбашчысы олды. 2007 с. исе оны V Миллий Къурултай делегаты сайлагъан эдилер. Сонъра о, региональ миллий къурумда омюрининъ сонъки куньлеринедже кятибилик япты.

Александр Къырымда яшап, деерли, бутюн отькерильген тедбирлеримизде, акцияларда – олсун Къарасувбазарда, олсун Акъмесджитте – фааль иштирак этип кельди. О, техник саада бильгили мутехассыс олса да, керекли олгъан ерли миллий къурумнынъ чешит жанрлы весикъаларны (беянатлар, мураджаатлар,аризалар, мектюплер) юксек севиеде эм де чин юректен азырлай эди.

Александрдан, Къырым миллий арекетине къошулгъанынынъ себеплерини сорагъанда, о: мен къарагъа къара, беязгъа беяз, демеге алыштым; сизге, бу топракънынъ тамыр халкъына къаршы япылгъан джинает ве бугуньки акъсызлыкъларны корип, четте отурып оламайым; виджданым буны ич де къабул этмей, дей эди.

Биз Александр эфендини, халкъымызгъа энъ агъыр сюргюнлик йылларында самимий гонъюльдешлик бильдирип, адалетли курешимизге къолтутып кельген, дигер миллет векиллерден чыкъкъан белли укъукъкърчалайыджылар сырасына къошамыз. Къана, о, беджерген ишлерни эр бир ватандашымыз япса эди…

Джемаатымыз бильсин: Александр достумызны мусульман мезарлыгъында адетлеримиз боюнджа дефн эттик, чюнки о, асылында чокътан ниетленип, бир къач ай эвельси ислям динини къабул этти. Алланынъ рахметинде булунсын.

Александр Новиков вефат эткени мунасебетинен онынъ бала ве торунларына, дигер якъынларына терен тазие бильдиремиз ве баш сагълыгъы тилеймиз.

Достумыз акъкъында хатыра даима бизнен яшайджакъ.

Меркезий Миллий къурум, Къарасувбазар региональ къурумнынъ азалары, мерхумнынъ дигер сафдашлары.

 

Редакция AVDET

Автор: Редакция AVDET

Редакция AVDET