Qarasuvbazar (Belogorsk) rayonında, kamaz ve yengil arabanıñ yüzme – yüz çatışmasında üç genç elȃk oldı.
Yol politsiyasınıñ matbuat hızmeti bildirgenine köre, VAZ – 2107 arabasınıñ aydaycısı, Qarasuvbazardan Uskut (Privetnoye) köyüne ketken yol üstünde, arabasını idare etip olamadı ve qarşı yolğa çıqıp, yüzme – yüz KAMAZnen çatışmağa oğradı.
Neticede, yengil arabanıñ aydaycısı ve eki yolcusı elȃk oldılar. Olardan eñ gençi 21 yaşna, eñ üykeni ise 29 yaşna edi. Üçünci yolcunı – 17 yaşna oğlannı, ağır yaraları ile, hastahanege yolladılar. O komada. Gençniñ açıq baş yaraları bar, yañbaş, ayaq ve bel kemikniñ kompression sınmaları bar.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
