Yazıcı Fazil İskander vefat etti

31.07.201621:30

Moskvada 88 yaşına kelip belli sovet ve rusiye yazıcısı Fazil İskander vefat etti.

Rusiye Prezidenti Vladimir Pütin yazıcınıñ qoranta azalarına ve onıñ mühlislerine taziye bildirdi.

Fazil İskander 1929 senesi Suhumi şeerinde dünyağa keldi. 1954 senesi Moskvada Görkiy adına edebiyat institutını bitirdi. 1950-nci senesi onıñ ilk şiirler cıyıntığı basıldı, 1966 senesi ise “Sozvezdiye Kozlotura” adlı birinci nesir esiri basıldı. Onıñ eñ belli eserleri — “Sandro iz Çegema”, “Detstvo Çika”, “Kroliki i udavı”, “Trinadtsatıy podvig Gerakla”.

İskanderniñ ikâye ve povestleri aman-aman episi avropa tillerine tercime etildiler. Onıñ eserleri boyunca çoq bediiy filmler çıqarıldı.

Fazil İskander bir sıra fahriy yarlıqlar, şu cümleden Vatan oğrunda yararlıq içün II, III ve IV derece Ordenleri, SSSR Devlet mukâfatı, RF Ükümetiniñ mukâfatı, 1994 ve 2014 seneleri Rusiye Federatsiyasınıñ Devlet mukâfatınen taqdirlendi.

Author: Редакция Avdet

Avdet gazetası