AQŞta Jamalanıñ cıyıntığı çıqtı

12.08.201615:50

İyül 10 künü ukrain yırcısı Camalanıñ “1944” cıyıntığı dünya yüzü kördi. Endiden soñ onı Avropa ve AqŞta satın almaq mümkün.

Disk 12 kompozitsiyadan ibaret, olardan 8 – inglis tilinde, 3 – ukrain, esas kompozitsiya ise “1944”.

Avdet bildirgeni kibi, doğma Qırımlı ukrain yırcısı Camala özüniñ “1944” türküsi ile seyirci ve jüri azalarınıñ eñ yüksek reylerini qazanıp, “Yevrovideniye-2016” yarışınıñ ğalibi oldı.

Cıyıntıq dünyada eñ meşur Universal Music Group tarafından çıqarıldı. Camalanıñ Facebook saifesinde bildirilgeni kibi, AqŞta neşir meselesinen Universal Music Group erkânına kirgen ve Ariana Grande, Drake, Florence + The Machine, John Newman, Nickelback, Nicki Minaj, The Weeknd kibi belli yırcılar ile çalışqan Republic Records oğraşa.