Domuz aşamağanım 9 sebebi

08.10.201610:00

Kimseniñ cevabı birdir — çünki dinim bunı yasaq ete. Bu cevap menim içün de birdir. Amma domuz aşamaqnıñ nasıl neticeleri ola bilgenini ve ne içün dünya dinleri (bizim ögrengenimizge köre, tek islâm degil) domuz etini yasaq etkenini tafsilâtlıca muzakere etmege ister edik.

  1. Domuz etini aşamaq yasaq olunğanı aqqında Qurandaki farqlı ayetlerde aman-aman bir metin ile dört kere bildirile:

«De ki: «maña vahiyde bildirilgenine köre, aşamaq içün tek kirli sayılğan leş, tökülgen qan ve domuz eti, bunen beraber, Allahnıñ adınen çalınmağan ayvanlarnıñ eti yasaqtır».

  1. Evel-ezelden domuz kirli ayvan sayılğan edi: öz boqunı, çıqıntılarını aşağan, sıq-sıq öz balalarını aşağan o, diniy adetlerniñ ömürge keçirilmesi içün kelişmegen ayvan sayılğan edi.
  2. Adam eti ve domuz etiniñ terkibi bir-birine pek oşay, adam ve domuznıñ bir sıra oşağan anatomik ve biohimik köstergiçleri bar. Bundan da ğayrı, domuz etine qarşı bir sıra tibbiy köstergiçleri de bar.
  3. Domuzlar, adam hastalıqlarınen de hastalana bile, bazı havflı mikroorganizmler ise, termik işlemeden soñ bile ölmey.
  4. Domuzlar sıq-sıq hastalana, ve sağlam ya hasta ayvannıñ etini aşağanıñdan iç bir vaqıt emin olamazsıñ, belli ki, islâmda hasta ayvannıñ etini aşamaq yasaqtır.
  5. Hristianlıq ve yeudilikte de domuz etini aşamaq yasaqtır. Hususan, Bibliyada aytıla ki: «İlâh Öz ateşi ve qılıçınen er canlını mahküm etecek, ve İlâh tarafından yeñilgen çoq olacaq. Bir-biri artından özüni terekliklerde muqaddesleştirgen ve temizletken, domuz eti ve pislik ve sıçanlarnı aşağanlar, — episi ölecek, dep ayta İlâh» (İsaiya, 66:16-17). «Domuz ise, tırnaqlarını ekige bölse, amma kevşek kevşemese de, sizler içün temiz degil; olarnıñ etini aşamañız ve olarnıñ cesedini tiymeñiz» (Ekinci qanun 14:8, Bibliya).
  6. Domuz eti stress alında aşalsa, şişmanlıq hastalığına ketire bile, bu etniñ yüksek toksikligi ise, yürek hastalıqlarınıñ sebebi ola bile.
  7. Domuz etini aşamaqnen bağlı bir qaç efsane bar. Böyleliknen, bulardan biri ayta ki, domuz – Allah qarğağan insandır, bunıñ içün onıñ etini aşamaq – büyük günahtır. Başqa bir efsane birincisine oşay, o yerde añlatıla ki, bir vaqıt Allah, qıznı domuzğa çevirdi. O vaqıttan berli adamlar domuz etini aşamaqtan saqınmağa başladı, bu ayvanğa çevirilgen insan ola bile, dep bellep. Lâkin, bu kibi efsaneler tek masal ola, olarnıñ iç tasdıqlanması yoq, ve dindar insannıñ buña inanması – büyük günahtır.
  8. Quran süreleriniñ birinde aytıla ki, Allah günahkârlarnı qarğadı ve olarnı maymun ve domuzlarğa çevirdi.

«De ki: «Sizge Allahtan eñ yaramay ceza alacaqlarnı bildireyikmi? Bu – Allah qarğağan kimselerdir, O, açuvlanğan ve maymun ve domuzlarğa çevirgen kimseler ve zalımğa ibadet etken kimselerdir. Olar daa da yaramay yer alır ve doğru yolnu daa ziyade şaşırdı» (Quran, 5:59-60 Süresi).

Author: Редакция Avdet

Avdet gazetası