Kezlev (Yevpatoriya) sakinleri 2017 senesi mesken-kommunal hızmetleri ve çoq qatlı evlerniñ tamirlenüvi fiyatları yükselmesine qarşı narazılıq aktsiyasına çıqtı.
Adamlar ellerinde böyle şiarlarnen levhalar tuttı: «Mesken-kommunal hocalığı tarifleri – halqqa qarşı terrordır», «Kommunal hırsızlıq yoq olsun!», dep bildire «Qırım.Aqiqat».
«Böyle etip, Kezlevde adamlar yazda qazanğanda, suv, mesken-kommunal hocalığı fiyatları köterile. Olar er ay tariflerni kötere. Elbet, pek ağır. Ve fiyatlar, tükânlarda fiyatlarğa baqıñız! Bunıñ içün narazılıq aktsiyasına çıqtıq, fiyatlarnı eksiltmek olmasa da, iç olmasa olarnıñ yükselmesini bir qaç yılğa toqtatmaq içün – belki, şeerimizde zavodlar çalışıp başlar», – dep paylaştı narazılıq bildirgen qadınlardan biri.
