Poklonskaya Amsterdam mahkemesiniñ skit altınını Ukrainağa teslim etmek qararını adaletsiz saya

14.12.201618:30

Qırım sabıq prokurorı Natalya Poklonskaya Amsterdam mahkemesiniñ skit altınını Kiyevge teslim etmek qararını qanunsız ve adaletsiz olğanını ayttı, ve qayd etti ki, onı Qırımğa qaytarmağa tırışacaqlar.

«Bu mahkeme qararı degil. Bu siyasiy bir akttır, çünki işbu vesiqa, qanun ve adaletnen iç te bağlı degil», – dep ayttı Poklonsksya, dep bildire «RİA Krım».

O qayd etti ki, skitlerniñ altınını Qırımğa qaytarmaq içün elinden kelgenini yapmaq kerek.

Bugün Amsterdam okrug mahkemesi, Qırım müzeylerinden alıp ketirilgen skit altını taqımı Ukrainağa qaytarılmaq kerek olğanı aqqında qarar aldı.

Author: Редакция Avdet

Avdet gazetası