Alupka yanında adam taşlar tübünde qaldı

15.12.201611:40

Dekabr 14-te saat 10:05-te qurtaruv hızmetine haber keldi ki, Alupka ş. rayonında yalı yanındaki mağarada 1979 senesi doğğan aqay kişi taşlarnen blok etildi ve özü çıqıp olamay.

«KRIM-SPAS» hızmetine zararlanğannıñ yanından keçken, onıñ yardımğa çağırğanını eşitken adam muracaat etti.

Yardım etmek içün bu yerge 6 adamdan ibaret olğan «KRIM-SPAS» Yalta qazaiy-qurtarıcı taqımı, Alupka şeeri QC Federal yanğınğa qarşı hızmeti ve acele yardım hadimleri keldi.

Qurtarıcılar zararlanğan adamğa deñiz tarafından keçmege tırıştı.

Adamnı bu yolnen tahliye etmek imkân olmağanını körip, töpeden taşlarnı alıp, onı o yerden bloktan çıqarmağa qarar alındı. Qurtarıcılar zararlanğan kişige keçmek içün bir yarım kub taşnı çıqarmağa mecbur oldı.

Adamğa daa qaya taşları tüşmesi telükesi bar edi.

Vaqia sebepleri ögrenile.