Qırımdaki «Taygan» arslan bağçası ve Yaltadaki «Skazka» ayvanat bağçasınıñ saibi Oleg Zubkov Ukraina Yuqarı Radası deputatı, belli qırımtatar uquq qoruyıcısı ve dissidenti Mustafa Cemilevniñ Türkiye ükümet strukturasındaki bağlarını qullanmaq ve yardımını almaq azır olğanını ilân etti.
Avdetniñ bildirgenine köre, Oleg Zubkov İstanbul civarında dünyada eñ yahşı ayvanat bağçalarından birini açmağa planlaştıra.
Zubkovnıñ qayd etkenine köre, ukrain deputatları Mustafa Cemilev ve Refat Çubarov yañı bağça açılması boyunca Türkiyede muzakerelerni alıp barmağa oña yardım etmedi, ve ayttı ki, olarnıñ yardımını ister edi.
«Belki de, eger de Mustafa Cemilevniñ İstanbul akimiyetinen tanışuvğa munasebeti olsa edi, eger de men onen tanış olsa edim, onıñ yardımını qullanır edim. Amma onen tanış degilim», – dep ayttı Zubkov.
Ayvanat bağçalarınıñ saibiniñ sözlerine köre, o, iç bir vaqıt Cemilev ve Çubarovnı körmegen edi ve olarnen bağlı degil.
«Amma kerçek aytsam, Mustafa Cemilevni, onıñ yolunı, onıñ saylavını ürmet etem», – dep ayttı Zubkov.
Avdetniñ evel bildirgenine köre, Oleg Zubkov Türkiye vatandaşlığını almaq içün vesiqalarnı berdi.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
