Qırımda ava vaziyeti kerginleşecek

24.02.201716:00

Fevqulade vaziyetler nazirliginiñ Qırım idaresi yarımadada ava vaziyeti kerginleşecegi sebebinden furtuna havfını ilân etti.

Bu aqta müessiseniñ matbuat hızmeti bildirdi.

Qırım Cumhuriyeti gidrometeorologiya merkeziniñ malümatına binaen, yarımadada ava vaziyeti kerginleşecek: fevral 25-te kündüz şiddetli yağmur yağacaqtır, aqşam ise, qarğa çevirilecek.

«Ayrı rayonlarda sılaq qar yağacaqtır. Saniyede 17-22 metr suratınen cenüp-ğarbiy, aqşam şimal-ğarbiy yel esecek. Fevral 26-da ava arareti -2-7 dereceni teşkil etecek», – dep aytıla FVN-niñ beyanatında.

Keriç parom keçiti soñki künler devamında bir qaç sefer işini toqtatqan edi. Fevral 24-te kündüz paromlar ştat rejiminde çalışa.

İçtimaiy ağlarda Facebook,Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

февраль

Author: Редакция Avdet

Avdet gazetası