Mart 20-de yarımadada şiddetli yağmur, dağlarda qar, bazı yerlerde şiddetli yağanaqlar yağa. Saniyede 20-25 metr suratınen yel esecek.
Bu aqta regional gidrometeorologik hızmeti bildire. Bunen beraber, tahminlerge köre, mart 22-de +16, afta soñu ise +18 derecege qadar sıcaq olacaq.
Aqmescitte (Simferopol) ava bulutlı olacaq, bazı vaqıtları yağmur yağacaq. Saniyede 5-10, bazı yerlerde 20 metr suratınen yel esecek. Ava arareti gece 0+2, kündüz +13+15 dereceni teşkil etecek.
Aqyarda (Sevastopol) ava bulutlı olacaq, yağmur çoq yağmaycaqtır. Saniyede 12-17 metr suratınen yel esecek. Ava arareti gece +4+6, kündüz +9+11 dereceni teşkil etecek.
Yaltada deñişici bulutlı ava, afta ortasından başlap yağmur yağacaq, soñra küneş çıqacaq. Saniyede 1-5 metr suratınen şimal-şarqiy yel esecek. Ava arareti gece +6+8, kündüz +12+14 dereceni teşkil etecek.
Kezlevde (Yevpatoriya) salı kününe qadar bulutlı ava, bundan soñ açıq ve yağanaqsız ava beklenile. Saniyede 1-5 metr suratınen yel esecek. Ava arareti gece +6+8, kündüz +11+13 dereceni teşkil etecek.
Keriçte denişici bulutlı ava beklenile. Bazı vaqıtları yağmur yağacaq. Saniyede 9-14 metr suratınen yel esecek. Ava arareti gece +3+5, kündüz +8+10 dereceni teşkil etecek.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.