Aqmescit (Simferopol) merkez bazarını uquq qoruyıcılar sarıp aldı. Avdetniñ elde etken malümatına binaen, bazarğa müşteriler başta yiberilmegen edi, soñra birer-birer yiberilip başladı, bazılarnıñ vesiqaları teşkerildi.
Qırım adliyecisi Emil Kurbedinov bildirdi ki, onıñ malümatına binaen, bazarda politsiya basqını teşkil etildi, yaqalanğan kişiler bar.
«Qırım.Aqiqat» neşriniñ haber etkenine köre, uquq qoruyıcılar «ğayrı slavân şahıslarını» tuta. Bazarğa üç «Gazel» maşnası keldi, olarnıñ içine yaqalanğan kişiler kirsetile. Bir avtomobil, sanki, endi Ekstremizmge qarşılıq merkezine yol aldı.
Bazı malümatlarğa binaen, yaqalanğanlar arasında yaqında Ekstremizmge qarşılıq merkezine tüşken Taras İbragimmov, bunen beraber, uquq qoruyıcı Andrey Krisko da bar.
Avdetniñ evel bildirgenine köre, mart 30-da mühbir, www.article20.org resursınıñ korrespondenti Taras İbragimov, qaysı biri bu neşirde resmiy olaraq ve diger ukrain neşirler içün çalışa, Qırımda yaqalandı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
