Qırımda Bağçasaray rayonı memuriyetiniñ yañı yolbaşçısı tayinlendi. Bu vazifeni bundan evel rayon başınıñ birinci muavini olğan Vladimir Udahin eda etecek.
«Vladimir Udahin Qırım içki siyaset, malümat ve bağ nazirniñ reisliginde mart 31-de keçirilgen yarış komissiyasınıñ toplaşuvında şahsiy subet neticesinde eñ çoq baa qazandı», – dep bildire Bağçasaray rayonı memuriyetiniñ matbuat hızmeti.
Memuriyetniñ sabıq yolbaşçısı Viktor Knâzeviñ istifağa çıqması boyunca qararnı Bağçasaray rayon şurası deputatları 2016 senesi dekabr 30-da keçirilgen nevbetten tış sessiyada qabul etti. Onıñ vazifesini muavin Yelena Orlova eda etken edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
