Konstantinov «Qırım baari» aqqında kitapnı taqdim etti

07.04.201710:10

Qırım parlamenti reisi Vladimir Konstantinov Aqmescitteki (Simferopol) İvan Franko adına kitaphanede «Qırım baari» vaqiaları aqqında ikâye etken «Öz yolundan keçmek» kitabını taqdim etti.

Bu aqta aprel 5-te kitaphaneniñ matbuat hızmeti bildire.

«Kitapta 2013 senesi küzden başlap 2014 senesi mart 18-ge qadar Qırım, Rusiye ve Ukrainada yüz bergen vaqialar aqqında müellifniñ canlı, şahsiy ve duyğulı hatıralar ve fikirleri bildirile», – dep aytıla beyanatta.

Matbuat hızmetiniñ malümatına binaen, körüşüv çerçivesinde Konstantinov musafrilerniñ suallerine cevap berdi ve cumhuriyet kitaphanelerine kitapnıñ 30 nushasını teslim etti.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

константинов_2

Author: Редакция Avdet

Avdet gazetası