Naile İbraimova bütün Ukrainağa qırımtatar tilinde türküni yırladı

16.04.201722:30

Ukrainada keçirilgen «Memleket sesi» yarışınıñ yarım finalınıñ iştirakçisi, Aqmescit sakini Naile İbraimova canlı yayında qırımtatar tilinde «Bizim taraf» türküsini yırladı.

Bugün, aprel 16-da, «1+1» telekanalında «Memleket sesi» yarışınıñ yarım finalı canlı yayında keçirile.

Avdetniñ evel bildirgenine köre, birinci basamaqta Naile İbraimovağa bütün dört idmancı aylandı. Qız, olarnıñ arasından özüne idmancı olaraq Jamalanı sayladı. 21 yaşındaki Naile İbraimova ayttı ki, muzıkanen oğraşmay edi.

Yarışnıñ birinci basamağında Naile ayttı ki, Qırımdaki vaqialar olarnıñ qorantasına davalarni ketirdi, ve o, bu leyhada ailesini birleştirmek ümüdinen iştirak ete.

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası