Qırım sakini Naile İbraimova bugün, aprel 16-da «Memleket sesi» yarışınıñ canlı yayınında oña destek köstermege çağırdı.
«Dostlar, BUGÜN «Memleket sesi» yarışı yarım finalınıñ canlı yayınları olacaq, siziñ destegiñizge ümüt besleyim. Yazıq ki, Qırım rey berip olamay, bunıñ içün siziñ reyleriñizge muhtacım! Ümüt etem ki, Ukrainada maña işanğan ve destek köstergen adamlar bardır», – dep yazdı Naile Vkontakte içtimaiy ağındaki saifesinde.
Naile İbraimova içün rey bermek 0900 3078 03 nomeri vastasınen ya da 7914 nomerine «03» yazıp mümkün.
Canlı yayın 1+1 telekanalında Kiyev vaqtınen saat 21:00-de başlanacaq.
Avdetniñ evel bildirgenine köre, yarışnıñ birinci basamağında Naile ayttı ki, Qırımdaki vaqialar olarnıñ qorantasına davalarni ketirdi, ve o, bu leyhada ailesini birleştirmek ümüdinen iştirak ete.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
