Mayıs 29-da, üyleden soñ Moskva regionını şiddetli sağanaq ve boranlı yağmurlar qaplap aldı.
Bazı rayonlarda saniyede 22 metr suratınen esken yeller reklama levhaları ve tereklerni yıqtı, bular ise avtomobillerge zarar ketirdi.
Soñki malümatlarğa köre, furtuna neticesinde Moskvada 11 adam elâk oldı. Olarnıñ arasında 11 yaşındaki qız oldı, onıñ üstüne terek tüşti.
Bundan da ğayrı, yaralanğanlar aqqında haber etile. Olarnıñ arasında eki bala Moskva civarında yıqılğan tereklerden zararlandı.
Moskvada 400-den ziyade ve vilâyette eñ azdan 300 terek yıqıldı. Bunen beraber, yel İçki işler nazirliginiñ Moskva Baş idaresi esas binasınıñ damını uçurıp ketti.
Energetika Nazirligi matbuat hızmetiniñ malümatına binaen, furtuna neticesinde Moskva civarında yaşağan 7,3 biñ sakin yarıqsız qaldı. Vilâyette mobil ağı direkleri zararlandı.
Ava vaziyeti sebebinden sabadan To Moskva ava limanlarında 30-dan ziyade uçaq seferi keçiktirildi ya da lâğu etildi, dep bildire «Gazeta.ru».
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
