Bu künleri Keriç boğazında yahtağa urulğan katerniñ aydayıcısı saruş edi. Adamlarnıñ elâk oluvı boyunca cinaiy iş açıldı.
Rusiye Federatsiyası Taqiqat komitetiniñ Qırım boyunca taqiqat idaresiniñ matbuat hızmetinde bildirdiler ki, «Solaris» kiçik gemisi Keriç şeeri yalısına ketekn vaqıtta «Stels-007» kateri ile çatışma yüz berdi. Neticede «Solaris» gemisinde eki qadın elâk oldı. «Stels-007» kateriniñ yolcuları yaralandı, olar, hastahanege ketirildi.
Bu vaqia boyunca cinaiy iş açıldı. Tibbiy teşkerüv neticesinde belgilendi ki, «Stels-007» kateriniñ aydayıcısı saruş edi.
Kater aydayıcısı yaqalandı, şimdiki vaqıtta onıñ cezalanuvı belgilene. Cinaiy iş boyunca taqiqat işleri devam ete.
Avdetniñ evel bildirgenine köre, Keriç boğazında «Solaris» kezüv yahtası «TK 0393» suratlı katernen çatıştı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
