Keriç sakinleri yañı bala meydançıqlarına şikâyet ete

31.07.20179:55

Keriç sakinleri şeerde yaqında qoyulğan bala meydançıqları yaramay pekitilgeninden ve balalar bu yerde yıqıla bilgeninden qasevetlene.

Bu aqta «Kerch.FM» neşrine şeer sakinleri bildirdi.

Yerli sakinniñ muracaatına binaen, işçiler, bala meydançığında işlerini bitirmeyip, onı böyle alda qaldırdı.

«Bir afta keçti, amma meydançıq öyle de bitirilmedi, ne qum, ne salıncaq ketirildi, balalar, beklemeyip, qurulması bitirilmegen yañı meydançıqta oynap başladı. Ağırlığı 25 kg olğan bala tübünde merdiven sallana. Ağırlığı 45 kg olğan bala ya da eki-üç bala oña çıqsa, o tüşecek, bellesem, onı, qoşma beton tökip, pekitmek kerek», – dep yazdı o.

Onıñ sözlerine köre, eski meydançıq da yaramay alda buluna ve balalar içün havflı sayıla.

Avdetniñ evel bildirgenine köre, iyül 24-te İslâm Terekniñ (Kirovskoye) azbarlarından birinde yahşı etip pekitilmegen salıncaq sekiz yaşındaki balanıñ üstüne yıqıldı. Yaralanğan bala hastahanede vefat etti.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

площадка1 площадка2

Author: Редакция Avdet

Avdet gazetası