Qırımnıñ cenüp yalısında sıcaqtan sebep yarıq sönme grafiklerini kirseteler

06.08.201721:33

Energetikler Qırımnıñ cenüp yalısında vaqıtınca elektrik temin etilüvini söndürme grafigini kirsettiler. Bu vaziyet «Simferopol – Yalta» ava yolunda mümkün olğan elektrik yük aşmasınen bağlıdır.

Bu aqta Rusiye Energetik Nazirliginiñ matbuat hızmeti bildire.

Böyle qarar alınuvnıñ sebebi – energoağlarğa olğan yükniñ aşmasıdır.

«6-ci avgust künü saat 10:33 Moskova boyunca Qırımnıñ cenüp yalısındaki energorayonında vaqıtınca elektrikler sönme grafigini kirsetmek emiri berildi. Qullanuv acimi 8 MVt olmalı», – dep bildirile.

Qırımnıñ merkeziy elektrik temin etilüvi qullanuvnıñ 1280 MVt istismalınen (195 MVt) kendisiniñ, (285 MVt) mobil GTES işlep çıqarıluvınen ve (800 MVt qadar) OES cenüp tarafından energoköpur vastasınen temin etile.

Avdet bildirgenine köre, cümaertesi 5-ci avgust künü Qırımnıñ cenüp-şarq tarafı yarıqsız qaldı.  Saat 17:35 «Starıy Krım» («Eski Qırım») 110 kV stantsıyasında avtomatik qoruma çalışıp, yarıq söndürildi.

 

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.