Yarımadada 22 ve 23 avgust künlerine, özenlerde suvnıñ seviyesi köterilecek ve dağlardan sel tüşecegi sebebinen, acele ihtar ilân ettiler.
Bu aqta Qırımnıñ Fevqulâde nazirliginiñ matbuat hızmetinde bildirdiler.
«Qırımnıñ gidrometeorologiya ve etraftaki tabiyatnı nezaret etüv idaresi», 22 ve 23 avgust künleri Qırımnıñ bir qaç özenlerinde suvnıñ seviyesi 0,5 — 1,0 m. Köterilecek. Dağlardan sel tüşecegi beklenile», — dep qayd etile haberde.
Avdet haber etkeni kibi, 18 – 19 keçer gecesi Sudaqta tüşken sel, bir çoq evlerni bastı, arabalarnı ise, yoldan yüzümliklerge alıp ketti.
Fevqulâde hızmetiniñ qurtarıcıları 76 adam tahliye ettiler, olardan 23 bala. Üç köy ışıqsız qaldı.
Sudaqta tüşken sel, 80 gektar «Massandra» şirketiniñ yüzüm bağlarını yoq etti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
