Qırım devlet kadastrı ve qayd etüv komiteti topraqlarğa berilgen vesiqalarnı qanunğa uyıp uymamazlığını teşkerip baqacaq.
Bu haberni komitetiniñ matbuat haberi bildirdi.
«Qırım devlet kadastrı ve qayd etüv komiteti teşkerüv işlerine başladı. Teşkerüvde yerli öz-özüni idare etüv teşkilâtları, topraq ayıruv işlerinde, yerlerge berilgen aktlarda, kirağa ya da mülkiyetke ayrılğan topraq vesiqalarini qanuniy taraflarını teftiş eteler», — dep bildirile haberde.
«Teşkerilecek vesiqalarnıñ sayısı pek çoq olğanı sebebinden, komitetniñ reberiyeti, Qırımnıñ baş inspektorına, Bağçasaray, Qarasuvbazar, Keriç şeerleri, Kirov, Saq ve Yalta rayonları boyunca muavinler tayin etme qararını aldı. Bir qaç yerde qoşma olaraq inspektorlar tayin etilecek», — dep qoştular komitette.
Komitette dediler ki, bu teşkilâtlarğa kerekli miqdarda usuliyet kitapları ve maddiy – tehnikiy yardım berilecek.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
