Aqyar yalısın yanındaki deñiz suvu standartlarğa uymay.
Böyle qarağa Rusiye istimalcı nezareti keldi. Resmiy olmağan haberlerge köre, Aqyarnıñ beş plȃjını qapata bileler.
Belkide, yaqın künlerde, akimiyet Aqyarnıñ beş plȃjında yuvunmağa yasaq etecek, bu Ğalebe parkı, Omega, Pesoçnıy, Solneçnıy ve Hrustalnıy plȃjları.
Şeer akimiyeti bu haberni inkâr da etmedi, tasdıqlamadı da. Akimiyetiniñ matbuat hızmetinde, yuqucu hastalıqlar hastahanesiniñ baş ekim İnga Matȃjnıñ sözlerine tayanaraq, içek hastalıları çoqlaşmamağanını aytalar.
Lâkin, aynı bu vaqıtta, Rusiye istimalcı nezaretiniñ Qırımdaki başı Natalya Penkovskayanıñ aytqanlarına köre, Keriç ve Aqyardan deñiz suvlarınıñ sınamalarına köre, mikrobiologik köstergiçler standertqa uymaylar.
«Adetten tış bir şey yoq. Standarttan çetleşme fayızı pek az, er yılda olğanı kibi», — dep, Penkovskayanıñ sözlerini bildire RİA «Yañı kün».
Hatırlatamız, bundan evel, Qırım ve Aqyar plâjlarında yuvunmağa mümkün olğanını aytqan ediler. Deñiz suvu bütün talaplarğa uya, yuvunmağa iç bir yerde yasaqlar yoq.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
