Bugün, qırımtatar milliy areketiniñ faal iştirakçisine. Ahtem Çiygozge mahkeme ükümi çıqarıldı. Biz ise, onıñ siyasiy ayatından eñ belli vaqiyalarnı hatırlamağa istedik.
- Ahtem Çiygoz 14 dekabr künü 1964 senesi, Özbekistannıñ Samarqand vilâyetiniñ Bulunğur şeerinde doğdı.
- Ağa – qardaş – Ahtem ve Rustem Çiygoz – milliy areketiniñ faal iştirakçileri.
- 2008 senesi Ahtem Çiygoz, qırımtatar milliy Meclisiniñ (Rusiyede yasaqlanğan teşkilât) reyis muavini olıp saylandı.2002 senesinden berli Bağçasaray regional meclisiniñ başı edi.
- Ahtem Çiygoz eki kere Bağçasaray rayon şurasınıñ deputatı olaraq saylanğan edi – 2008 – 2012 ss., 2012 – 2015 ss.
- 2012 senesi Ukraina Yuqarı radasına namzetlik kösterdi, ekinci yerni qazandı, birinci yerge, o zaman Partiya regionından Grigoriy Grube çıqqan edi. 15 biñ insannıñ qol tutudlarını qazanğan edi. Bu köstergiçni, Ahtem Çiygoz, özü içün balaban biir şeref dep saya.
- 2013 senesi, Ahtem Çiygoznıñ namzeti, qırımtatar milliy Meclisiniñ (Rusiyede yasaqlanğan teşkilât) reyisi vazifesine teklif etilgen edi, amma o saylavlardan öz namzetini aldı ve Refat Çubarovğa rey berdi.
- 6 mayıs 2014 senesi, Ahtem Çiygozge «ekstremistik iş alıp baruv» aqqında ihtar çıqarılğan edi.
- 26 iyün 2014 senesi Ahtem Çiygozge ekinci keresi «ekstremistik iş alıp baruv» aqqında ihtar çıqarılğan edi.
- 1 dekabr 2014 senesi Çiygoz, acele şekilde Kiyevge Mustafa Cemilev ve Refat Çubarovnen «qırımtatar halqınıñ esas problemalarını muzakere» etmek içün ketti.
- 4 dekabr 2014 senesi, Ahtem Çiygoznıñ teşebbüsi ile, Mustafa Cemilev, Refat Çubarov ve Ahtem Çiygoznıñ, Türkiyeniñ baş naziri Ahmed Davutoğlu ve prezidenti Recep Erdoğannen körüşivleri olıp keçti.
- 9 dekabr 2014 senesi, Halqara insan aqları kününiñ arifesinde, Qırımğa kirişte Natalya Poklonskaya Ahtem Çiygozge, nevbetteki «ekstremistik iş alıp baruv» aqqında ihtar berdi.
- 20 dekabr 2014 senesi, Ahtem Çiygoz, Mustafa Cemilev ve Refat Çubarov, Ukraina prezidenti Petr Poroşenko ile körüştiler.
- 29 yanvar 2015 senesi, Ahtem Çiygoznı apis ettiler. Onı Rusiye Federatsiyasınıñ Cinayi kodeksiniñ 212 maddesiniñ birinci qısmı boyunca qabaatladılar («kütleviy qarışıqlar teşkil etilmesi»). Bu qanunğa köre, 10 yıl apis cezası belgilene.
- Ahtem Çiygoznıñ apis etilgen vaqtından berli 150 dane mahkeme oturışları keçti, 100 ziyade şaat sorğuğa çekildi. Apiste Çiygoz, endi 2 yıl ve 8 ay bulunmaqta.
- Mahkeme oturuşları vaqtında Ahtem Çiygoz, tek skayp vastasınen iştirak etti, üküm çıqarılğan vaqıtta da mahkemede bulunmay edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
