Yedi adam Aqmescit (Simferopol) memüriyetiniñ başı olmağa istey.
Bu haberni Aqmescit şeer şurasınıñ reis muavini Yelena Şapilova bildirdi. Yelena Şapilova, daa konkurs komissiyasınıñ azasıdır.
Onıñ aytqanlarına köre, bu vazifege kelmege istegenler arasında tek qırımlılar degil.
«Mında em Aqmescit sakinleri, em de Rusiyeniñ qıtasından kelgenler de bar – bu eki adam. Daa qayd etmek kerek ki, namzetler içinde bir qaç vesiqası yetmegen istekliler de bar edi. Yani olar da, yetişmegen vesiqalarını toplap, öz namzetlerini köstere bileler», — dedi Şapilova.
Hatırlatamız, Aqmescit (Simferopol) memüriyetiniñ sabiq reisi Gennadiy Baharev, 30 avgust künü, sağlığı olmağanından sebep etip, istifağa ariza yazdı.
Foto: Pavel Myagkih
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
