Yañı açılğan, qırımtatar Canlı radio radiostantsiyasını endiden soñ arabalarda ve gacetlerde diñlemege mümkün.
Bu aqta Avdetke, radionıñ esasçısı ve ğayecisi Naciye Femi aytıp berdi.
Bu radionı arabalarda ve gacetlerde diñlemek içün, radionı temel qoyucıları, Tuneİn servisine muracaat yazdılar.
«Tuneİn – onlayn radiolarnı diñlemek içün dünyanıñ eñ balaban servislerinden biridir. Onıñ terkibinde biñlernen radiostantsiya bardır. Berilgen muracaatlar bir kereden qabul olunmay, olarnı10 – 14 kün muzakere eteler», — dep ayttı Naciye Femi.
Nasıl etip bu radionı arabada eşitmek mümkin olacaq?
Tuneİn programmasını telefonıñızğa quruñız, Canlı radionı tapıñız ve saylanğanlarğa qoşuñız. Telefonıñıznı arabadaki magnitolağa Bluetooth ile, ya da Bluetooth olmasa, audiotellnen bağlañız. Telefonıñızda radionı qoyıñız ve radiomıznı diñleñiz.
Eger de kimde, arabasında Android magnitolası tura olsa, oña bu programmanı dos – doğru magnitolağa qoymaq mümkün.
Bu servis arqalı, radionıñ sesine, uyana da bilesiñiz.
Ondan da başqa, begengen programmañıznı da yazıp ala bilesiñiz.
Hatırlatamız, Canlı radio aqqında sentâbr ayınıñ başlarında belli oldı.
Saytqa kire bilmek içün — http://canli.online/
Fecebookta — https://www.facebook.com/canliradioqirim/
Instagramda — https://www.instagram.com/canli_radio/?hl=uk
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
