Aqmescit memüriyetiniñ başı vazifesine eki namzet kösterilgen. Birisi Qırım parlamentiniñ iqtisadiyat, bücet – maliye ve bergi meseleler komitetiniñ reyisi İgor Lukaşev ve «Qırım malümat şirketiniñ» general müdiri Maksim Nikolayenkodır.
Konkurs komissiyasınıñ azaları keçirgen saylavlar neticesinde Lukaşev 80 ball, Nikolayenko ise 69 ball aldılar, dep haber ete «Krıminform».
Konkurs komissiyası tarafından belgilengen namzetlerAqmescit şeer şurasına taqdim etilecek ve olar şu namzetlerden birini, şeer başı vazifesine tayin etecekler.
Şeer şurasınıñ reyisi Viktor Ageevniñ aytqanına köre, bu mesele, 22 sentâbr cuma künü, şuranıñ nevbetteki sassiyasında baqılacaq.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
