Avdet oquycılarına, Elzara Kursaitova kibi belli olğan, genç ressam Elzara Seydametova, bu künleri, qırımtatar renkleri ile bala urbaçıqlarını taqdim etti.
Ressam Avdetke añlatqanına köre, o qırımtatar qaramanlarını üslüpleştirilgen şekilde aks ettire.
«Planlarımda, bir sıra bala urbasını yapmaq tura, mına şimdi, men «Çoban ve oynacı» çeşitini yapam. Er bir seriyada, oğlançıq ve qızçıqlar içün, bir qaç dane futbolka ve paytalar olacaq», — dep ayttı Elzara Seydametova.
Ondan da başqa, ressam büyüklerniñ urbalarına da resimler qoymağa planlaştıra. Onıñ aytqanlarına köre, resimler mahsus akril boyalarnen yapıla ve yuvulmaqnı da kötere bile.
«Ğayelerim pek çoq. Yerine ketirmek içün, tek vaqıt kerek», — dep paylaştı Elzara.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
