Zubkovğa Rusiyeden çıqmağa yasaq ettiler

03.10.201722:19

Qırımlı iş adamı, «Taygan» adlı arslanlar parkınıñ ve «Skazka» adlı ayvanat bağçasınıñ saibi Oleg Zubkov, 6 ay devamında  Rusiyeden çımağa yasaqlağan mahkeme qararını aldı.

Buña sebep,  «Taygan» parkında yerleşken kafeni qapatılma talabını red etmesi olğandır.

«Kafe 2012 seneden berli çalışa. Amma 2014 senesi, Qarasuvbazar prokurorı, kafege vesqalar yoq, dep onı qapatma talabınen çıqqan edi. Ahkeme ekspertlerge muracaat etti, bina episi qaydelerge uya, degen qarar alındı. Amma apellȃtsiya neticesinde, kafeni qapatma qararı çıqarıldı. Men bu yekȃne kafeni qapatamadım, künara para cezasını töledim. Nevbetteki adımları ise, çıqışqa yasaq qoymaları oldı», – dedi Zubkov.

İş adamı aqları bozulğanı sebebinden, mahkemege muracaat etti ve 5 oktȃbr künü, bu iş boyunca mahkeme oturışı keçirilecek, dep haber ete «QırımAqıqat».

Avdet haber etkeni kibi, Oleg Zubkov, Stambulda, dünyanıñ eñ balban ayvanat bağçasını qurmağa istey. Türkiye vatandaşlığı almağa vesiqalarını bergen edi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Author: Редакция Avdet

Avdet gazetası