15 oktâbr künü Ressamlar evinde keçecek, Ayder Aliyevniñ yıldönüm sergisi çerçevesinde, qırımlılar foto ressam Evelina Aliyevanıñ acayip icadınen tanış ola bileler.
Evelina Aliyeva bütün dünyağa meşur oldı. Onıñ işleri bir çoq foto sergilerde taqdim etildi. Eñ büyük irişmesi de, Photovogue leyhasında iştiragi oldı. Bu VOGUE İtaliya mecmuasınıñ internet – platformasıdır. Mında bütün dünyadan saylanğan eñ güzel foto resimler basıladır. Eki yıl içinde Photovogueda qırımtatar icatkârınıñ 15 işi taqdim eteildi. Bir fotosi ise, «The best of Photovogue» (Photovogueda eñ yahşısı) nominatsiyasına kirdi. Bu, onıñbalalığı keçken bita – qartbabasınıñ Kökközdeki eviniñ fotosı.
Evelina Aliyeva sanatqa balalıq çağından aves edi. O İcadiy aylede dünyağa keldi. Onıñ babası, belli qırımtatar ressamı ve eykel tıraşı Ayder Aliyev. Belkimde onıñ içün, Evelinanıñ işleri addiy foto degil de, bediy eserdir.
Crimeantatars.clubnıñ malümatlarına köre.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
