Aqmescitli ana – babalar öz balasını, birden üç bala bağçasına sırağa qoya bileler. Amma eñ kelişiklisi, dep tek bir danesini saylamağa mümkün olacaq.
Bu aqta, press – konferentsiya devamında, Aqmescit memüriyetiniñ mektepten evel tasil bölüginiñ baş mutehassisi Marina Klüçko bildirdi.
Bala bağçalarına, balanı doğğanından qayd etmege mümkün, yani doğğanı aqqında vesiqanı alğan soñ. Sıranıñ özüne ise, daa eki aydan soñ. Bunı, şahsiy qabulda bulunıp, Aqmescit memüriyetiniñ maarif bölüginde yapmaq mükün.
«Ana – babalar belli bir bala bağçasını saylaylar, ve daa ekisini qoşma olaraq köstere bileler. Ondan soñ, ana – babalar ellerine sertifikat alalar, onıñ üstünde ünikal raqamnen sırağa qoyulğan saytnıñ elektron adresi bar. Bu saytta sıranı bağçağa baracqtan bir yıl evelsi ögrene bilesiñiz», — dep añlattı Klüçko.
Bugünki künde Aqmescitte 56 bala bağçası çalışqanı belli. Olarğa eki, ya da üç yaşlı ballarnı qabul eteler. Qabul 1 sentȃbrge başlay.
«Bir çoq kereler böyle allar ola. Biz, meselȃ bir bağçağa nevbetke turamız, maarif idaresi ise, baiqa, ter boşağan bağçanı teklif eteler. Teklif etilgen bağça şeerniñ başqa tarafında yerleşken ola, ve elbette ana – babalar ondan red eteler», — dep ayttı, maarif naziriniñ muavini Natalya Jurba, «Naşa gazeta»ğa.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
