Prezidentlikke namzet olğan Sobçaknıñ sözleri: Qırım kimniki olğanını Rusiye qomşuları ile birlikte çezmek kerek

19.10.201722:47

Alıp barıcı Kseniya Sobçak, prezident saylavlarında iştirak etecegini ilȃn etti. Onıñ aytqanlarına köre, Qırım kimniki olğanını Rusiye qomşuları ile birlikte çezmek kerek.

Bu aqta onıñ, 18 oktȃbrde «Vedomosti»de yayınlağan mektübinde aytıla.

«Men belli bir fırqalarğa kirmeyim, olarnıñ azaları olmayım. «Krım naş» fikirine de ne eazılıq köaterem, ne de qarşılıq. Men devletimizde qırsızlıq bitkenini, aqiqiy siyaset peyda olğanını isteyim. Nsanlar serbest olıp, bütün dünya ile birlikte qararlar qabul etip, Qırım kimniki olğanını seçkenini isteyim», – dedi Sobçak.

Alıp barıcı Kseniya Sobçak, prezident saylavlarında iştirak etecegi aqqında, resmiy olaraq 18 oktȃbr künü ilȃn etken edi. Onıñ qayd etkenine köre, o, biñlernen başqa insanlar ile, beş yıldan berli mitinglerge çıqıp, deñişmeler talap ete, amma bir şey deñişmey.

Rusiye prezidenti saylavlarında iştirak etecek muhalif  Aleksey Navalnıy, K. Sobçaknı teqid etip, «karikatur liberal namzet», dep adlandırdı. Kseniya Sobçak ise, A. Navalniyni, muhalifetni bölgeninde qabaatlap, «küçlerni birleştirmege» çağırdı.

Kremilde de, Sobçaknı saylavlarda iştirak etme niyeti, «Konstitutsiya boyunca tabiy bir şey». Dmitriy Peskov, «Dojd» kanalınıñ efirinde, K. Sobçaknı «istidatlı adam», dep aadlandırdı.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.