Qırım qurtarıcıları qadınğa özüni öldürmege bermediler. 5 noyabr bazar künü, saat 10.30 qurtarıcılarğa, Qarasuvbazar (Belgorsk) rayonında, Aq – Qayanıñ töpesinde, öz özüni öldürecek niyetinen bir qadın turğanı aqqında haber keldi.
45 yaşna apay, qayanıñ ucunda oturıp, yanına kimseni yaqınlaştırmayıp, qayadan atılacağınen qorquta edi.
Qurtarıcılar qadınnı qaya çetinden alıp kettiler, ve soñradan onı acele yardım ekimleri baqtı. Olıp keçmegen adiseniñ sebeplerini polis hadimleri ögrene.
Buña oşağan bir vaqia 1 noyabr künü Aqmeçit (Çernomorskoye) qasabasında yüz bergen edi. O zaman, yuqarı bir yerden 32 yaşlı erkek atılacaq edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
