Ukrain yırcısı Jamalağa (Susana Camaladinovağa) onıñ qırımtatar sevgilisi Seit-Bekir Suleymanov brilliant ile yüzük bağışlap, oña aqayğa çıqmağa davet etti. Yırcı razı oldı.
Noyabr 1-de Jamala Instagram saifesinde fotoresimni paylaştı ve bunı yazdı: «I said Yes!! Ebet!! Men razım:)».
Jamalanı «Eurovision» yarışında iştirak etmege Seit-Bekir Suleymanov teşviq etti.
Jamalanıñ sevgilisi aqqında çoq malümat belli degil. O, Aqmescit şeerinde doğdı, «tibbiy radiofizika» ihtisası boyunca Şevçenko adına Kiyev milliy universitetini ve Kiyev iqtisat mektebini bitirdi.