17 avgust künü Kezlevde 2 – nci Gvardeyskaya Armiya soqağında yerleşken binanıñ damı yandı. Bu binada ambarlar yerleşe edi.
Bu aqta haberni Qırım fevqulade nazirliginiñ matbuat hızmeti bildirdi.
Zarar körgenler yoq.
« Qurtaruv hızmetine yanğın aqqında haber 17 avgust 16:17 keldi. Yanğınnıñ meydanlığı 250 m2 teşkil etti. Zarar körgenler yoq. Bahtımızğa işçiler alevlengen binadan özleri çıqtı. Yanğınnı söndürmek qıyın oldı, çünki ambardaki şeyler pek yanıcı ediler, er yerni tütün bastı», — dep aytıla berilgen haberde.
Ateş alqağa alındı, başqa binalarğa tarqalmadı. Yanğın bütünley 19:47 söndürildi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.